Reunion

Dulunya ku tak pernah tahu apa itu reunion dan tak pernah nak ambil tahu. Sekarang ini bila kubuka saja FB (facebook), sana sini cerita pasal reunion. Owh~'advance'nya budak-budak sekarang ini.

Tanggal 17 Disember  ni, rakan-rakan seangkatan ex-Georgian 1964 akan mengadakan reunion di Seremban. Opss~ teringat Seremban tetiba teringat akan janjiku. Haha..eden toraiii. Yup! eden anak jati Nogori Sembilan dah janji nak tulih dlm blog kali ni bahaso eden.

Lawak betullah si Saufi ni ado ko pulak disuruh ae eden tulih loghat nogori. Iyolah montang2 dio ponah dudok dokek nogori ni so rindu ar pulak bahaso eden ni yo. Weiii kan sonang kok cari jodoh ngn org nogori yo. Uishh apolah si Saufi ni~ ermm boto-boto nak nyusahkan eden ar ni.

Amacam? boleh ko eden teroih tulih dlm loghat nogori ni...?

Reunion eden nanti diadokan dokek Soramban, dokek kampung eden lah tapi bolehkah eden poei?  Sekarang ni bilo dudok dokek Kuantan ni., tompek2 dokek Soromban pun eden dah tak familiar.(ewah, sori ar omputih lak). Apo taknyo Soromban dah byk berubah. Ari tu eden balik kampung, eden poei lah ko Soromban 2 ( Ha jgn tak tau Sorombanpun dah ado 2, dulu satu yo so mano ar eden nak tau tompek2 baru dokek sini ar)..Ya Allah jem gilo Soromban sekarang nih, ngalah cam dudok dokek Kolumpor. Hampir 1 jam terkandeh dokek jalan rayo. Lopeh tu memang eden setiap kali balik yo ko Soromban eden tak kuar2 ar dari rumah omak. Maleh boto eden sobab ari tu punyo hal lah.

Ohh reunion, hati jap raso nak poei, jap raso taknak poei. Kalau poei leh jumpo kawan-kawan yg lamo sungguh ar tak jumpo. Masing2 dah boranak pinak ni dan ado gak yg dah bermenantu..Fuhh memang gamat ar kalau jumpo Tapi tarikh diorang buek ni, ari Jumaat malam (sampai ati ar diorang ni, buek ikut2 suko diorang yo. Montang2 ar majoriti dudok dokek2 yo dongan tompek tu tapi cmno dongan eden ni?) Weii kawan, eden dok jauh ar. Hubby edenpun kojo. Huhu ~grrrr...raso nak monjorit eden dibueknyo.

Tolong! Tolong! Tolong! cmno ni eden nak poei ko tidak. Apo pendapek korang yo? Kalau eden poei maknonyo eden kono balik awal, tinggalkan suami eden dokek rumah sorang2. Erm patut ko?? Uisyyhhhhhh.. memang tak patut biarpun eden tau suami eden akan bonarkan..

Kesimpulan ae..sori kawan, eden takleh poei ar jawap ae...Mukatamad!! Hehe~iyo ko??

Reunion oh reunion...dalam dilemma~